Steve Kali

Im Jahr 2009 hani aagfange mit Schwizer HipHop. Viu passiert im Läbe u deshaub hani d'Musik gnützt, um gwüssi Sache i mim Läbe z'verarbeite. Si het mer sehr viu ghoufe, indäm ig mini persönleche Problem u di viele Autagssorge ha chönne usspräche u so het sech mis Läbe vo Zitt zu Zitt zum Positive veränderet. Da ig mi natürlech o verändere, veränderet sech o mini Musik stetig. I ha früecher für mi Musik gmacht, aber iz möchti für „Di“ Musik mache! Mis Ziu isch, dass sech Lüt wi Du mit mire Musik chöi identifiziere u mini Musik o viune cha häufe, gwüssi Situatione i ihrem Läbe z’überstah u z’meischtere. Jedes Lied isch ä Momäntufnahm, wo me ewig cha lose. Jedä Momänt geiht verbii, aber ä Song cha di für immer begleite. Drum fröii mi uf di nächschte Projekt, denn Musik begleitet.

Crew

Kosta

Manager


MFIA

Rapper


Dominic

Fotograf

We öpis für z Fiume oder Fötele asteit, bi ig da um Steve Kali z'ungerstütze. Derbi due ig di bsundrige Momänte a de Events i Fium und Biud festhaute. Für d Realisierig vo de Musikvideos findi passendi Locations und hiufe bi der Ufnahm vo de Szenene.


Delia

Design- & Managerin

Für aues, wo mit Multimedia Production z'düe het, bi ig zueständig. Ig due benötigti Grafike kreiere und gstaute sowie d'Website loufend aktualisiere. Ah dr Produktion vo de Musikvideos dueni mi beteilige, indäm ig bim Fiume mithiufe und zur Videobearbeitig bitrage.